Archdiocesan Penitential Walk and Holy Sacrifice of the Mass

(An excerpt of the Most Reverend Romulo G. Valles D.D. in his Homily during the Archdiocesan Penitential Walk & Holy Sacrifice of the Mass at San Pedro Square, City Hall Drive, San Pedro St., Davao City | October 25, 2025.)

Busa, sa konkreto, moingon ako, moapil kita sa panawagan sa Catholic Bishops’ Conference of the Philippines nga gipahayag sa usa ka public statement niadtong Oktobre 7: Giawhag kita nga bantayan natong tanan kining pag-imbistigar karon sa atong gobyerno sa mga kaso sa pagpangawkaw o corruption. In particular, niingon ang CBCP nga ang imbistigasyon pagahimoon:

1. Uban sa Transparency in its proceedings, findings, and recommendations;
2. Uban sa Access to all necessary documents and witnesses, including those protected by political privilege;
3. Uban sa Public disclosure of budget insertions and project allocations, especially those tied to unprogrammed or duplicate DPWH projects;
4. Uban sa Protection for whistleblowers and technical personnel who come forward in good faith.

Ug midugang pa ang CBCP pag-ingon: We strongly oppose any attempt to preempt or derail the investigation through backroom deals, leadership takeovers, or selective justice. A nation cannot heal when its moral arteries are clogged by corruption and self-interest.

Ug sa akong pakighinabi sa daghang mga Obispo, ug sa mga tawo of goodwill, kini ang among common nga pagtan-aw: Nga kadtong mahukman nga sad-an hatagan gayod sa hustong silot; ug sa ato pa, ma-priso gayud – dili lang ang mga gagmay, apan kadtong giingon nga mga masterminds niining pagpangawkaw. Kini mao ang usa sa makatabang gayud sa pagsumpo sa corruption: Nga duna gayuy certainty of punishment alang sa mga corrupt!

Mga igsoon, sa Simbahan, kon mokumpisal ikaw sa imong mga sala, hatagan ikaw sa pari og penitensya. Karon, niining giatubang nga kaso nga korapsyon, ang mahukman nga sad-an prisohon gayud. Kahibalo kamo nga ang mas formal nga ngalan sa prison is penitentiary! Penitensya sa kompisal, ug penitentiary sa mga corrupt!

Busa, mga igsoon, niining atong Penitential Walk diin nagrosaryo kita, hinaut unta nga mapahinumduman kita sa giingon sa atong Mahal nga Birhen, atong Mahal nga Inahan, didto sa kasal sa Cana: “Buhata ang iyang isulti kaninyo.” Sa ato pa, alang kanato karon, buhaton nato kutob sa atong mahimo ang pagsumpo sa pagpangawkaw.

Ug niining Santos nga Misa, mapaubsanon kitang motuaw sa Ginoo, “Lord, increase our faith.” Ug motuaw kita, “Lord, heal our land!” Ug mapaubsanon ug puno sa pagtoo, maminaw kita karon sa Ginoo sa iyang pag-ingon, “Whatever you do to the least of my brothers”, kay mas grabe ang epekto niining pagpangawkaw sa mga least of us – Whatever you do to the least of my brothers, you do it – ang pagpangawkaw – you do it to me!