Archdiocesan Penitential Walk and Holy Sacrifice of the Mass

(An excerpt of the Most Reverend Romulo G. Valles, D.D. in his Homily during the Archdiocesan Penitential Walk & Holy Sacrifice of the Mass at San Pedro Square, City Hall Drive, San Pedro St., Davao City | October 25, 2025.)

Ang atong pagpundok karon kabahin, sumala sa inyong nasayran, sa atong pagtubag ug awhag sa Catholic Bishops’ Conference of the Philippines nga National Day of Prayer and Public Repentance nga gisugdan niatong Oktubre 7, Piyesta sa Birhen sa Rosaryo ug tapuson karong Nobyembre 23, ang Adlaw nga Domingo, Solemnidad ni Kristong Hari.

Kining atong paglakaw karon, mga lakaw sa paghinulsol ngadto sa Ginoo, dinhi kang Jesus, dinhi sa Santos nga Eyukaristiya. Sa ato pa, ayaw huna-hunaa nga niapil kita sa usa ka protest rally. Dili kini rally. Dili usab kini usa ka protest march. Dili.

Ania kita isip Simbahan nga nagaampo, nagtuaw. Ania kita buot maghinulsol, pagpahiduol sa Dios diha sa kaamguhan sa atong mangitngit nga kahimtang. Our faith, ang atong pagtoo sa Ginoo, kang Jesus, pagtoo diha sa Simbahan, our faith moves us to come close to the Lord, aron makapanghinamin kita, kita nga iyang mga anak, kita nga iyang gibuhat sumala sa iyang dagway ug larawan. Moatubang kita sa salamin sa iyang grasya, sa iyang presensiya aron masusi nato kon ang dagway sa atong katilingban sibo ba sa iyang Diosnong damgo ug plano alang kanato.

Busa misugod kita ganina, gitawag nato nga penitential walk. Naglakaw kita samtang nagrosaryo, namalanadong, may pagka-embarrased, sagol, dili lang sagol kauwaw, shame. Penitential walk kay angayan kitang magbasol, maghinulsol, magbag-o, dinuko ang atong mga ulo sa penitential walk diha sa kaamguhan sa kangil-ad ug tumang eskandalo sa corruption, sa pagpangawkaw nga atong giatubang karon. Dili gayod unta kini angayan nga mahitabo sa katawhan nga nagatoo sa Dios. Ingon kita we are a believing nation, maka-Dios. Apan tan-awa ang dagway sa atong katilingban karon. Diha sa penitential walk, puno sa pagtoo nagpahiduol kita sa Dios, mahinulsolon ug moingon, molihok kami, Ginoo aron among sugpuon kining kangitngit sa kurapsiyon, pagpangawkaw nga among giatubang karon. Supak gayod kini sa imong pagpangga ug pagmahal kanamo.

Mga igsuon, human sa penitential walk ania kita niining Santos nga Misa, ang pinakahingpit nga pag-ampo nga gihatag mismo ni Jesus alang kanato sa iyang pag-ingon buhata kini sa akong handumanan. Do this in memory of me, the memory of God’s love and here we are precious to the eyes of God. Sayod kita nga ania siya, ang Ginoo sa taliwala kanato niining Santos nga Eyukaristiya. Pagkaangayan sa Santos nga Eyukaristiya nga culmination niininig maampuon nga kalihukan karon. Ngano? Tungod kay niining balaang Eyukristiya karon gibuhi ang dakong misteryo sa gugma sa Dios. Ang iyang bungtong anak, ang bugtong anak sa Dios gilansang ug namatay sa krus, the symbol of crucifix near the altar. Ug ang kamatayon iyang gipildi diha sa iyang mahimayaon nga pagkabanhaw, mga pari the paschal mystery of our salvation. Ug diha sa iyang pagkabanhaw nakabaton kita sa kinabuhing madagayaon diha sa kinabuhing dayon. Kining Santos nga Misa diya nagpahinumdom kanato sa lawom ug buhing kamatuoran, how precious, how we are loved by the Lord. Sa ato pa, kining misa usab nagpahinumdom kanato nga ang eskandalo sa kurapsiyon, difficult to imagine nga pagpangawkaw, pagpangawat nga giatubang nato. Ang kurapsion dili lang supak sa atong mga pamalaod sa nasod, apan labaw sa tanan supak kini, sukwahi kini, insult kini sa atong gisaulog sa Santos nga Misa.