Kumpirma: Gasa sa Espiritu sa ika-16 nga Parochial Fiesta

Usa sa makahuluganon nga highlight sa ika-16 nga Parochial Fiesta sa Miraculous Medal, Indangan mao ang Sakramento sa Kumpirma, nga malampusong gisaulog niadtong Nobyembre 22, 2025, alas 2:30 sa hapon. Ang maong seremonya gipangulohan mismo sa Arsobispo sa Davao, Most Rev. Romulo Valles, D.D., nga naghatag sa panalangin ug pagdasig alang sa espirituwal nga paglambo sa mga batan-ong nisalmot.

Adunay 220 ka kabataan ang nakadawat sa buhing presensya sa Balaang Espiritu, uban ang ilang mga ginikanan, ninong, ug ninang, nga maoy nagpalig-on sa ilang sa pagtuo ug timaan sa dakong suporta sa pamilya ug komunidad sa pag-atiman sa espirituwal nga pagtubo sa kabataan.

Ang Ministriya sa Pangulo sa Panudlo (PSP) maoy nagdumala sa tanang pormasyon ug orientation, nga nag-andam sa mga kumpirmahanan aron masabtan ang kahulugan ug responsibilidad nga dala sa sakramento. Diha sa ilang dedikasyon, sila ang nangusog nga ang matag usa andam gayud sa pagdawat sa grasya sa Espiritu Santo.

Daku usab ang pagpasalamat sa maabtikon nga Kura Paroko, Mgsr. Maximo Sarno, nga kanunay naggiya ug nagpalambo sa kalihokan sa parokya uban ang iyang nga si vicar, Rev. Fr. Boy Roland Ong.

Ang Kumpirma 2025 nahimong usa ka dakong pagpakita sa pagkahiusa, pagtuo, ug paglaum sa tibuok komunidad—usa ka suga nga nagpadayon sa paglamdag sa kinabuhi sa kabatan-onan ug sa simbahan nga atong giila nga panimalay sa pagtuo. (Marilou A. Luzon / SoCCom)