Malaumon ug Madasigon nga Panaw: 60th KSP-PSL Anniversary Ipahigayon

Andam na ba kamo? Ang Kasaulogan sa Pulong-Pangulo sa Liturhiya (KSP-PSL) sa Archdiocese of Davao magasaulog sa 60th Anibersaryo niini karong Nobyembre 15, 2025 (Sabado) sa University of the Immaculate Conception Gym, Bajada, Davao City. Inubanan sa tema nga “Malaumon ug Madasigon nga Nagapanaw Uban sa Katawhan,” kini nga okasyon usa ka dakong higayon sa pagpasalamat, pag-ampo, ug paghiusa sa pagpadayon sa misyon sa simbahan.

Magsugod ang programa sa buntag pinaagi sa pag-abot ug rehistrasyon sa mga parokya nga pagasundan sa Pag-ampo sa Santo Rosaryo ug Adorasyon sa Blessed Sacrament. Sa buntag pa lang, mamahimo na nga mabati ang espiritu sa pagtuo ug panaghiusa sa mga PSL.

Pagkahuman, ipahigayon ang Conference I diin adunay Talk ug mensahe gikan sa ilang guest speaker, nga maghatag ug inspirasyon ug pagdasig sa mga partisipante. Ang mga tinguha niini mao ang paglig-on sa pagtuo ug pagpangandam sa mga kaanib sa KSP-PSL aron magpadayon sa ilang panaw uban ang kalipay ug paglaum.

Sa hapon, ipahigayon ang raffle draw nga magpahiyom sa mga mamahimong lucky winners, ug sundan kini sa Santos nga Misa nga pangulohan ni Most Rev. Romulo G. Valles, D.D., Arsobispo sa Davao nga nagsimbolo sa usa ka matahum nga pagtapos sa adlaw nga puno sa pagtuo ug kalipay.

Ang 60 ka tuig nga panaw sa KSP-PSL usa ka timaan sa pagkamapadayonon ug pagkamadasigon sa pag-alagad sa simbahan ug sa katawhan. Kini usa ka oportunidad sa pagtan-aw balik sa mga grasya sa kagahapon samtang nagtan-aw padulong sa mas lig-on nga kaugmaon.

Busa, sa mga PSL sa Parokya ug GKK sa Archdiocese of Davao, dali na ug apil sa kasayuran!. Kita-kita ta karong Nobyembre 15 nga malaumon, madasigon ug mapasalamaton niining 60 ka tuig nga hiniusang panaw.