Katikaran Alang sa Kapistahan sa Sagrada Pamilya (Unang Bahin)

Gisugdan na ang pagsaulog sa usa ka bulan nga aktibidad alang sa selebrasyon sa ika-21 nga kapistahan sa Parokya sa Sagrada Pamilya sa Barangay Dumoy-Baliok sa Davao City.

Pagtungtong sa unang adlaw sa Disyembre gihimo gilayon ang Pagpamukaw nga gilangkuban sa mga miyembro sa Drum and Bugle Corps gikan sa Jose Bastida Elementary School ug sa Baliok Elementary School. Kining duha ka pundok nilibot sa mga kabalayan nga sakop sa parokya sugod alas kwatro sa kadlawon aron mamukaw ug magpahibalo mga abli na ang usa ka bulan nga aktibidad sa umaabot nga kapistahan. Sa maong adlaw usab, gisab-it sa matag kapilya sa GKK ang mga tarpaulin nga nagmantala sa ika-21 nga kapistahan sa parokya.

Sa unang semana sa bulan, gipahigayon ang Panaw-duaw sa 2 sona kung diin ang patron sa Sagrada Pamilya ginadala didto sa sona alang sa panagtapok sa mga nahisakop nga GKK. Lakip usab nga naduaw sa Patron ang Barangay Hall sa Dumoy nga mainitong gidawat ang mga kawani sa barangay. Ang matag panaw-duaw adunay hamubo nga katekismo ug gitapos pinaagi sa Santos nga Misa ug simpleng salo-salo.

Niadtong Sabado, Disyembre 6, gipahigayon usab ang Kasikas Zumba nga nagsugod sa alas sais sa buntag didto sa IWHA Gym nga gitambungan sa mga miyembro sa parokya ug mga zumba enthusiasts. Adunay gagmay’ng pahalipay ang gipanghatag sa mga nidaug sa managlahing kategorya.

Ang mga aktibidad sa unang semana sa kasaulugan gitambungan sa mga GSLs ug mga parokyano. Padayon ang pagpangandam sa katawhan alang sa sinemana nga kalihukan sa parokya.

Ania ang giya alang sa kinatibuk-ang aktibidad sa kapistahan sa Sagrada Pamilya sa Barangay Dumoy ug Baliok. Ang usa ka bulan nga aktibidad kihinganlan ug KASIKAS (KAlipay SInggit KASadya) 2025. (Flor Arellano-Deloria | HFP SoCCom)