“Light a Tree for a Cause” Giablihan

Niadtong Disyembre 16, 2025, ang unang adlaw sa Misa de Gallo, opisyal nang giablihan ang “Light a Tree for a Cause” sa St. Mary of the Perpetual Rosary Parish, Buhangin sa wala pa magsugod ang alas 4:30 sa kaadlawon nga Santos nga Misa.

Ang seremonya gipangulohan sa Kura Paroko, Rev. Fr. Orlando “Orly” Angelia kauban sina Bro. Junifer Francis Valde, Bro. Ian Murillo ug nagkalain-laing mga sponsor sa mga nagkalain-laing mga punoan ug tanom nga gibutangan ug mga Christmas lights ug dekorasyon pinaagi sa pag-ampo, liturhiya sa pulong, pagbendisyon ug pagpasiga palibot sa parokya.

Matud pa ni Fr. Orly, nagsimbolo kini ni Kristo nga kahayag sa kinabuhi, diin kita usab makadala og kahayag sa ubang mga tawo, ug nga dili na kita maglakaw sa kangitngit kondili sa kahayag ni Kristo.

Kinasingkasing nga gipasalamatan ni Fr. Orly ang mga indibidwal o grupo, mga pamilya, organisadong grupo, mga ministriya ug GKKs dinhi sa parokya nga “well-lighted” sa parokya pinaagi sa pagkamanggihatagon. Sa kasamtangan nabati ang nagapadayon nga pagsuporta sa atong parokya ug ang abot niining maong proyekto nga “Light a Tree for a Cause” maadto sa pag-renovate ug reconstruction sa St. Mary Shrine. Ang maong nahimong makahuluganon nga pamaagi sa pagpangandam sa pag-abot sa atong Ginoong Jesukristo.

Dalaygon ang Dios!

(Ralph Louie “RL” Flores Young, SMPRP GKK SocCom | Photos by Annielyn Abe & Hermie Mapute)