Davao Majors Pre-Christmas Party with Parents

Ang Pre-Christmas Party sa Davao Majors napuno sa kalipay ug nahimong mas makahuluganon tungod sa presensya sa ilang mga ginikanan ug pamilya isip mga kauban sa pormasyon. Pinaagi sa ilang gugma ug madasigon nga pagsuporta, mitabang sila sa paggiya sa mga seminarista aron mahulma ang ilang mga kasingkasing sama kang Kristo ug alang kang Kristo — ang tinuod nga diwa sa Pasko.

Ang maong kausulogan gisugdan kini sa Santos nga Misa nga gipangulohan ni Reberendo Padre Ranebe J. Magallanes, Assistant Vocation Director, ug kauban niini si Rev. Fr. Ronald Arcillas, ang Vocation Director sa Archdiocese of Davao. Human sa Santos nga misa adunay sharing sa mga ginikanan kauban ang Vocation Director. Ug misunod ang short program sa ReMaSe refectory.

Ang diwa sa kapaskuhan usa ka panahon sa pagpasalamat. Gisaulog kini dili lamang ang kalipay ug panagtigom, kondili labi na ang gasa sa kinabuhi, gugma, ug paglaum nga gipadala sa Dios pinaagi sa pagkatawo sa atong Ginoong Hesukristo. Niining higayona sa panagtapok sa mga seminarista kauban ang ilang ginikanan ilang gipasalamatan ang Dios nga maoy ning tawag niining kinabuhi – ang gasa sa bokasyon.

Gitapos ang adlaw puno sa kalipay ug pasalamat sa mga seminarista ug ginikanan. (Commission on Vocation – Archdiocese of Davao)