“Ang Pulong sa Dios: Giya ug Kahayag sa Tanang Panahon”

Kaniadtong Enero 24, 2026, nagmalampuson ang Parokya sa San Roque, Malabog nga nagpahigayon sa unang Parish Bible Symposium sa pagsaulog sa National Bible Month. Gidasig ang tanan nga motambng sa Santos nga Misa sa alas sais sa buntang.

Ang Symposium giorganisar pinaagi sa pagdumala sa Parish Bible Apostolate Coordinator nga si Norie Mark Muaña uban sa suporta og tabang sa ubang GSL ug Parish Youth Apostolate ilabina sa giya ug pagsuporta ni Rev. Fr. Amado B. Arroyo, Kura Paroko. Ang kasaulogan sa National Bible Month inubanan sa tema nga “God’s Word: Brings Life (Love, Integrity, Faith, Engagement) to Our Hearts and to Our Homes.”

Gitambongan kini sa 142 ka mga Partisipante nga gikan sa mga GKK nga sakop sa parokya. Gisugdan kini sa Bible Enthronement ug gisundan sa mamumulong nga mao si Bro. Gregorio Basilan sa iyang hilisgutanan “Ang Pulong sa Dios; Giya ug Kahayag sa Tanang Panahon.”

Ang panagtigum nahimong makahuloganon nga panagtapok, ang maong kalihukan nga nakapalig-on sa pagtoo ug Espirituhanong pakiglambigit sa komunidad sa Parokya pinaagi sa Pulong sa Dios.

Adunay Bible Quiz nga gipahigayon ug ang mananaug mao ang taga Zone 5A nga gipangulohan sa ilang Zone Coordinator nga si Christy Jandayan.

Busa ang tanan mapasalamaton ug nagpasidungog sa Ginoo sa Iyang puno nga grasya ug niining mabungahong kasinatian. Dalaygon ang Dios! (Arlene Tarnate – SRP, SoCCom Head)