“Panagsud-ong” alang sa Ika-43 nga Kapistahan sa San Pablo Parish

Malampusong gisugdan ang mga aktibidades sa ika-43 nga Parochial Fiesta sa San Pablo Parish pinaagi sa “Panagsud-ong” niadtong Enero 16, 2026, pasado alas 6 sa kagabhion.

Ang Panagsud-ong naggikan sa pulong nga “sud-ong,” nga nagpasabot og pagtagbo o pakig-hiusa sa komunidad, ug nagsimbolo sa opisyal nga pag-abli sa selebrasyon sa kapistahan.

Gipahigayon ang Panagsud-ong sa parish grounds sa San Pablo Parish compound, nga gitambungan sa mga parokyano gikan sa Zone 1 hangtod Zone 13, lakip ang Center Organizations, mga eskwelahan, ug nagkalain-laing mga ministriya sa San Pablo Parish.

Ang selebrasyon gipangulohan ni Rev. Fr. Ramon C. Jamora Jr., Parochial Vicar ug Priest-in-Charge sa Worship Ministry sa San Pablo Parish, ang pagdagkot ug pag-ampo sa mga sulo (torch), uban sa giya sa kura paroko nga si Rev. Fr. Dioscoro R. Saniel ug Rev. Msgr. Julius C. Rodulfa, Parochial Vicar, ug Rev. Fr. Ritsche J. Gamaya, Resident Priest. Kauban usab sa midagkot ang mga Zone Coordinators/GSLs, isip pagpasalamat ug pagpangandam sa umaabot nga Kapistahan ni San Pablo Apostol kaniadtong Enero 25, 2026.

Nagsimbolo ang maong seremonya sa panaghiusa sa Espiritu Santo, sa kahayag ni Kristo nga naggiya sa parokya sulod sa 43 ka tuig, sa pagpadayon sa misyon ngadto sa umaabot nga mga henerasyon, ug sa paglaum ug kalinaw sa simbahan ug sa isigkatawo.

Human sa solemne nga seremonya, miuban ang mga parokyano padulong sa St. John Paul II Pavilion Hall alang sa Praise and Worship, nga giduyugan sa San Pablo Youth Apostolate Music Ministry. Pinaagi sa mga awit ug pagdayeg, naghiusa ang mga parokyano sa pagpasalamat sa Ginoo ug sa espirituhanong pagpangandam alang sa umaabot nga selebrasyon sa kapistahan, ubos sa giya sa Espiritu Santo.

Gipasalamatan ni Ms. Aiko C. Vinuya, Parish Youth Coordinator sa San Pablo Parish ug kasamtangang miyembro sa Core Group sa Davao Archdiocesan Youth Coordinating Apostolate (DAYCA), ang tanang mga parokyano nga nitambong sa maong pag-abli sa selebrasyon gikan sa Zone 1–13, Center Organizations, mga eskwelahan, ug nagkalain-laing mga ministriya, lakip ang Parish Pastoral Council ug mga kaparian alang sa ilang aktibong pakigbahin sa pagpangandam sa mga kalihokan sa kapistahan.

Gianunsyo usab ang mga umaabot nga aktibidades sulod sa ika-43 nga kapistahan sa San Pablo Parish.

Sa Enero 24, 2026 – Gipahigayon ang ika-9 nga Novena Mass alas 11:45 sa buntag, nga sundan sa Solemn Procession sa imahe ni San Pablo Apostol alas 4:00 sa hapon.

Sa Enero 25, 2026 – Kapistahan sa Pagkakabig ni San Pablo Apostol ug opisyal nga ika-43 nga Parochial Fiesta sa San Pablo Parish. Oras-oras ang Santos nga Misa alas 6:00 AM, 7:30 AM, ug 9:00 AM, samtang ang Pontifical Mass gipahigayon alas 11:00 sa buntag nga pagpanguluhan ni Rev. Msgr. Edgar P. Labagala.

Human sa mga misa sa buntag, gisugdan ang selebrasyon sa kapistahan gikan alas 12:00 PM hangtod 3:00 PM, ug mopadayon ang mga Santos nga Misa sa hapon human sa maong kalihokan.

Viva San Pablo!

(By Kelvin Aguilon | Photos: Diane Saniel)