Pagsadya sa Adlaw nga Gihimo sa Ginoo!

Domingo sa Pagkabanhaw sa Ginoo (April 5, 2026)
Acts 10:34. 37-43 / Ps 118:1-2, 16-17, 22-23 / Col 3:1-4 or 1 Cor 5:6-8 / Jn 20:1-9 or Lk 24:13-35

Kasagaran kanato karon, sa kalipay dali ra nga makapahibalo gamit ang social media. Garbo kaayo nato mopakita Asa kita niadto, unsay atong gihimo, ug unsay atong kalipay sa kalampusa pinaagi sa pag post dayon niini.

Sa Ebanghelyo, walay langan nga mipahibalo si Maria Magdalena nga nabanhaw ang Ginoo. Ang mga tinun-an usab midali pagdagan aron susihon ang lubnganan ni Jesus. Ikaw ba usab dali nga mopakaylap sa maayong balita human kini nimo nasusi? O kaha paspas ka ba nga momantala sa unsay pagdaot ug daotan nga balita ilabina sa nagsaka nga presyo sa pala lito karon? Nangilabot ka ba nga matuis ang bakak ug tikas nga ginapakatag ilabina ginamit diha sa midya sa paningkamot nga motunhay ang kalinaw ug panag-uli sa mga nagkagubot nga mga pundok ekonomikanhon ug politikal?

Hinaot unta nga sama kang Pedro nga namulong sa kahibulongang maayong plano sa Ginoo nga gibanhaw, ang matag usa nato magpakatag unta sa kamot sa Dios nga naglihok sa atong palibot karon. Makatabang unta ang atong mga pulong, buhat o bisan unsang ipasa nga mga balita alang sa pagpauswag sa paglaum ug dili ang kangitngit sa kahimtang. Gihayagan kita sa nabanhaw ang Kristo, makahatag unta kitag kahayag ug paglaum sa atong isigkaingon.

Hinumdomi, nga sama sa ikaduhang pagbasa, kitang mga magtutoo kinahanglan mamahimong igpapatubo sa kaluwasan ug bag-ong kinabuhi. Motubo unta pinaagi sa atong bag-ong kinabuhi, ang nabanhaw nato nga pagkabinuhat sa hulagway sa Dios. Mapakita ug mapuy-an unta nato kini sa walay kahadlok ug kaulaw. Motubo ug motunhay unta ang panumpa sa atong bunyag sa pagsalikway sa sala.

Busa pagsadya sa pagkakabahin niining adlaw nga gihimo sa Ginoo! Siya nabanhaw ug nabuhi pinaagi sa pagpuyo sa atong pagtoo Kaniya nga nagluwas kanato sa sala. Imantala ta kining maayong balita!