Bunga sa pagkabanhaw

Ika-2 na Domingo sa Pagkabanhaw sa Ginoo (April 12, 2026)
Acts 2:42-47 / Ps 118:2-4, 13-15, 22-24 / 1 Peter 1:3-9 / Jn 20: 19-13

Unsa bay angay nga bunga sa katawhan nga nagtuo sa Pagkabanhaw ni Jesus? Unsay dagway sa katawhan nga nagsaulog sa Pagkabanhaw?

Tataw kaayo sa unang pagbasa nga ang katilingban sa mga nagtuo sa nabanhaw nga Kristo nagkahiusa ug nagtinabangay. Isip magtutoo ilang gigahin ang unsay Anna kanila alang sa mga nanginahanglan. Gikan sa panag-ambitay sa talad sa Eyukaristiya hangtod sa pag-atiman sa nanginahanglan ilang gipuy-an. Walay nag inusara kanila ilabina sa kalisod apan nagtambayayong ang matag usa kanila.

Mao gani nga sa Ebanghelyo, si Tomas nga kaniadto wala mosipot sa unang pagpa kita ni Jesus sa iyangmga tinun-an, karon nakig-uban na kanila. Wala na siya nag-inusara, kondili makighiusa siya sa katilingban sa mga tinun-an ni Kristo. Ang iyang paghiapil uban kanila dinasig sa buhing Dios nga nakig-uban sa iyang katawhan.

Naghari ang gugma kanila nga mituo sa nabanhaw nga Dios. Bisan wala sila makakita, ang nagtuo sa buhing Dios puno sa pagtuo ug kalipay. Walay kaguol apan paglaum ug kalinaw sa kasing-kasing ang naghari sa mga tawong dunay pagtoo. Takiwala sa pagsulay mosalig sila sa presensiya sa Dios nga dili makita.

Nakabunga ba ang pagkabanhaw ni Kristo sa imong kinabuhi? Ayaw kalimot sa pag pasalamat Kaniya kay siya maayo ug ang iyang gugma walay sukod.