Davao City Police Office (DCPO) ug Archdiocese of Davao Nagpalig-on sa Pagtinabangay Alang sa Kalinaw sa Dakbayan

Mibisita si Davao City Police Office (DCPO) Director Police Coronel Peter B. Madria kang Davao Archbishop Romulo Valles niadtong Abril 27 ning tuiga, pasado alas-9 kaganinang buntag.

Kauban sa maong courtesy call si Msgr. Paul A. Cuison, Vicar General sa Archdiocese of Davao. Gihimo ang panagkita sa Bishop’s Residence sa F. Torres Street, Davao City.

Ang maong courtesy call nagsilbi nga oportunidad sa pagpalig-on sa relasyon, pagpalambo sa kolaborasyon sa pagpalambo sa kalinaw ug panaghiusa tali sa DCPO ug sa Archdiocese sa Davao.

Mipadayag si Police Coronel Madria sa iyang pagpasalamat sa padayon nga pagsuporta sa Arsobispo sa mga inisyatiba sa DCPO ug gipasiugda ang kamahinungdanon sa pakigtambayayong tali sa kapulisan ug sa Simbahan sa paggiya sa komunidad ngadto sa disiplina, panag-uyon, ug kaluwasan sa publiko.

Nagpabilin ang DCPO sa pagtukod og lig-on nga relasyon sa mga lider sa pagtuo ug mga stakeholder sa komunidad, nga nag-ila nga ang kooperasyon ug gipaambit nga mga mithi importante sa pagsiguro sa kaayohan ug seguridad sa katawhan sa dakbayan. (Kelvin Aguilon)