From Conception to the Calvary

(Excerpt from the Homily of Most Rev. Romulo G. Valles, D.D., last May 23, 2026 on the 20th Parochial Fiesta of Mary Help of Christians Parish, Dacudao, Davao City.)

Ang atong Mahal nga Birhen gihatagan og daghan kaayong mga titulo, pero usa ra ka birhen. Usahay naa nay mga komedya ba, Bol-anon man ko, sa Bohol daw nagprosisyon. Unya wala nabantayan ang arrangement, nagsunod-sunod ang Birhen sa Fatima, Birhen sa Lourdes, unya wala gihigot sa andas, kanang karo nga ipas-an. Nag-uyog-uyog, unya natumba man ang Lourdes, unya nagduol man, nasangit sa Fatima. Niingon ang mga tawo, ang mga Bol-anon, salamat jud nasagang ni Fatima si Lourdes, pareha ra gud siya. Kana gamay, maybe tinuod apan daghang mga estatwa, daghang mga titulo apan usa ra ka Mahal nga Birhen. Bantayan nato na ha, kay daghang uban dili nato kauban magyaga-yaga, dagha’g istorya, smile ra mo, wala mana kasabot, dili mana ilaha, atoa mani.

So tungod kay sa kaanindot sa papel, sa role sa Mahal nga Inahan sa history of salvation never-ending ang atong pagdayeg kaniya, atong pagsaludo niya, pag-appreciate niya nga dako siyag papel sa atong kaluwasan diha sa iyang anak nga si Hesus. Remember nga kung magdayeg kita kay Maria, di na siya molabaw sa Ginoo, ang atong pagdayeg kaniya kinahanglan ibutang nato sa larawan nga naa siya tungod kay sikat siya, no, gidayeg siya tungod sa gibuhat sa Ginoo nga iyahang anak.

Dako siyag papel, maong kita sad sa Church, mga Katoliko, maayo kaayo na nga ang atoang pagtuo adunay kolor, ingon ta Marian, dakog papel ang atong pagtan-aw kang Maria. Makapadako, makapalig-on sa atong pagtuo’g pagsalig kang Hesus ug sa Simbahan.

Ngano man nga gihatagan nato siya’g pagtahod? In particular, Mary Help of Christians. Samtang nagmartsa ko naglibog nako unsa man toy accent ana, mananabang, help, atong tabang siya. Why? Bright ang Katoliko, bright kayta, ang atong conclusion, way labot sa Bibliya nga ania karon, in fact sa Revelation, daghan kaayo na, balik-balik particular lady, a woman clothed in white, estoryahi kinsay gipasabot ana, walay lain Birhen Maria oy. Unya second reading ingon nila kung correct ang akong Scriptures, kanang second reading St. Paul very rare, I think the only line that refers to the human mother of the Savior. Bisan si St. Paul mirecognize nga tawhanon ang Iyang Mama, therefore, born of a woman.

Mary Help of Christians, huna-hunaa nganong moadto pa man tag laing tawo nga number one si Maria tungod kay biblical. First moment to final chapter sa history of salvation, first moment gipahibawo sa Dios pinaagi sa anghel kang Maria nga diha kanimo matawo ang Manunubos. Sikat jud siya ug witness pud siya firsthand with this dili lang hearsay. Kung basahon nimo, sige si Jesus uban sa Iyang Inahan, sa kasal sa Cana hangtud sa ending. The Blessed Mother stood at the foot of the cross, didto si Maria hangtud nabugtoan og kinabuhi ang Iyang Anak nga si Hesus. From conception to the death in Calvary. No doubt my dear friends, full of color, malarawan nimo ang history of Salvation nga makaduol ta sa Mahal nga Birhen.