Gilay-ong Dili Babag sa Nagdilaab nga Pagtuo ug Tinguha sa Pagpangalagad

Nagpahigayon ang San Isidro Labrador Parish Lumondao sa tinuig nga panagtigom sa kabatan-onan o Summer Youth Camp 2026 sa sulod sa tulo ka adlaw gikan sa Abril 24-26 diin gilangkuban kini ug nagkalain-laing mga aktibidades. Gisalmutan kini sa kapin dos syentos ka mga batan-on gikan sa singkwenta y dos ka Gagmay Kristohanong Katilingban.

Atol sa maong panagtapok sa kabatan-onan, si Rev. Fr. Jupiter Morales naghatag ug talk diin iyang gihatagan ug gibug-aton ang tema sa Summer Youth Camp 2026 nga “Young Church in Mission: Rooted, Radiant and Ready.”, diin kini naghatag ug lalom nga pagsabot sa mga kabatan-onang nitubag sa tawag sa simbahan.

Dugang pa niini, iyang gipahimangnoan ang kabatan-onan nga dili angay magpadaog sa daotan, apan daugon ang daotan pinaagi sa pagbuhat ug maayo.

Gawas sa paglambo sa pinaagi sa mga pulong sa Ginoo, nalig-on usab ang panag-uban sa mga magtutuong batan-on pinaagi sa mga team building activities kung asa nakighimamat ug nagmuna ug panaghigalaay nga mamahimong mo tubo bisan pa man nga wala na ang maong panagtapok.

Dili ikalimod nga halayo ang singkwenta y dos ka mga Gagmayng Kristohanong Katilingban (GKK) lagmit nga dili gayod magkitaay o makahimamat, apan ang Summer Youth Camp naghatag ug tulay nga dili babag ang kalayo, pero kini usa lamang sa mga butang nga makapahimo sa pagpanaw nga makahuluganon ug labawng bililhon diin sentro ang pagtoo nga nakagamot sa simbahan nga makaandam kanila sa sunod nga bahin sa ilang mga kinabuhi. Ang gilay-on sa matag usa wala nahimong babag aron magkahiusa uban sa kauhaw sa mga pagtolon-an ug sa nagdilaab nga pagtoo ug tinguha sa malahutayon ng pagpangalagad.

Bisan sa hamubo nga panahon, nakig-uban ug nasinati sa kabatan-onan ang presensya ug lihok sa Diyos dinha sa nagkadaiyang storya ug ksainatian sa matag usa, nagikan man sila sa nagkadaiyang tribo apan makita sa panagway sa matag usa ang kalipay kauban sa mga tawo nga dili man kanunay nga makita, apan nakauban nila sa pagpanaw kuyog sa simbahan. (Leen Frances Delos Santos | SILP Youth Leader SocCom)