Three characteristics of the Church

(Excerpt from the Homily of Most Rev. Romulo G. Valles, D.D., during the 10th Parochial Fiesta of Sta. Cruz Parish, Talicud Island, IGaCoS, May 3, 2026.)

Dunay tulo ka importanteng batasan sa simbahan niadtong adlaw nga naa pa si Jesus. Tulo ka punto nga makatabang nato sa atong pagsimba sa iyang krus. Ang tulo ka characteristic nga angay natong bantayan.

Ang unang punto, ang unang batasan, ang unang style, kay ang tinood nga kristohanong katilingban diay dili maka piyong sa mga nag-antos. Kay ang unang pagbasa naa man ni gubot gamay, gubot sila, kay nagsimba sila, pero naay dili makadawat sa ilang pagkaon. Nindot man siya, magtigom sila, mag-inambitay, ampo ug pag-inabiyay.

Ang characteristic sa first member sa Catholic Church dili makaako, mag-alingasa kung dunay mabati niya nga medyo dehado sa iyang katilingban. Ang pagtagad sa mga sinalikway tatak kana nila nga nahayagan ni Kristo, tatak kana sa mga binunyagan sama nato sa kahayag ni Kristo ngadto nga kanila nga nasa sa pag-antos.

Ikaduha nga batasan, ang larawan sa second reading, kita building o balay kasagaran mogamit og bato, ang mga panday, o mga mason, kanang mga abtik og mga bato ilang ikamada. Unya niingon si San Pedro, “sama kita sa building ug kita ang buhi nga mga bato ug muduol kita Kaniya nga maoy foundation stone.”

Naa syay teknik nga pagtukod sa building, naay foundation stone, musipyat gani ang laborers kanang batik sa building di maayo pagkahimo ang key stone, huyang ang building, now we know sa larawan ni San Pedro.

Kita ang buhing building, kita ang buhing bato sumpay-sumpay ta ngadto Kaniya nga maoy key stone kasaligan siya, buhing bato siya ngano, nabanhaw naman. Magbantay mo ha muduol kaniya, mudikit ka niya inig kamada kay kuyaw kay ni nabanhaw na niya siya gipildi niya ang tumpag, gipildi niya ang linog, gipildi niya ang linog, dikit kita.

Busa pud sa atong parokya, maningkamot ta, magdasigay kita, may lain-laing kakulangan apan ngadto uban sa pasensya, pagkamahigugmaon sa usa’g usa, ang tanan unta mahimong kabahin sa building nga mao ang simbahan.

Ikatulo, miingon ang Ebanghelyo di ta taga yuta kay kita tanan padulong sa langit. A very important characteristic sa usa ka parokya, diocese and simbahan mao ang buhing paglaum nga moadto kita sa langit.

Unsa ang langit, dili ko musulay pag describe basta kalipay nga walay katapusan ang maong langit mga igsoon, muingon ako medyo matilawan nato dinhi sa yuta sa dihang diha sa atong pagtoo, misteryo nga pagbati kasinatian, sa dihang kita nanimba, bation nato nga si Hesus nag-uban kanato diha sa iyang lawas ug dugo.

Apan kon kita, ang una nga characteristic kanunay gyong sensitive sa mga naa sa pag-antos, kanunay convince nga mag usa kita, kay lagi ang simbahan dili lang grupo sa mga buotan, ang simbahan pod grupo sa mga struggling, naa pa dinha ang naglisod mga nindot nga mga bato, maningkamot ta nga kita mahimong banay pamilya, the living building, the body of Christ, dinhi pa sa kalibutan.

Mga igsoon happy fiesta ka ninyong tanan.

Viva Santa Cruz! Viva!