Ang Hilom nga Kalig-on sa Karsada sa Kolkata

Sayo sa buntag, sa wala pa momata ang syudad sa Kolkata ug sa wala pa modagook ang mga yellow taxi, hilom kaayo sa sulod sa Mother House. Ang hinay nga kaskas sa tela nagpuno sa mga hawanan nga bato samtang daghang kababayen-an ang nagtigum para sa hilom nga pag-ampo. Nag-sul-ob sila og puti nga sari nga may tulo ka asul nga badlis ug hapit walay gipanag-iyahan duha ra ka pares nga sinina, usa ka pares nga tsinelas, usa ka balde, ug rosaryohan. Bisan pa niana, kada adlaw sila naghago para atimanon ang mga tawo nga walay laing motabang kanila.

Kini nga mga kababayen-an mao ang mga Sister sa Missionaries of Charity, nga gipundar ni Mother Teresa niadtong 1950. Karon, ang ilang grupo nagtrabaho sa labaw sa 130 ka nasod, nagpadagan og mga puy-anan sa mga ilo, kusina sa pagkaon, ug mga kapuy-an. Bisan sa atong moderno ug taas nga teknolohiya nga kalibutan, gipili sa mga madre nga magkinabuhi nga yano. Dili sila mogamit og telebisyon o komplikado nga mga makina. Imbes niana, nagsalig sila sa gagmay nga adlaw-adlaw nga donasyon ug pagtuo aron mahimo ang ilang buluhaton.

Sa usa ka puy-anan para sa mga masakiton, usa ka batan-ong madre ang moduko aron limpyohan ang mga samad sa usa ka tigulang nga gipasagdan sa karsada. Dili siya mohatag og taas nga mga diskurso. Imbes niana, nagtanyag siya og mainit nga sabaw, limpyo nga trapo, ug usa ka pahiyom nga makapabati kaniya nga importante ug giatiman.

Gawas sa mga naandang saad sama sa kabus nga kinabuhi ug pagsumpo sa kaugalingon, kini nga mga madre nagkuha og usa ka espesyal nga lagda: ang paghatag og libre ug kinasingkasing nga serbisyo sa labing kabus sa mga kabus.

Sa kalibutan nga nagpakabana sa kwarta ug kasikat, ang Missionaries of Charity nagsukod sa katapusan nga kalampusan sa lahi nga paagi. Para kanila, ang kalampusan dili bahin sa pagsulbad sa tanang problema sa kalibutan sa usa ra ka higayon. Bahin kini sa pagsiguro nga walay usa ka tawo sa ilang ilalum nga mabatian nga wala gihigugma o nakalimtan. (Sem. Peter Paul I. Cabase and Sem. Orlan B. Caparoso)