Ania Kami Naningkamot Nga Makahalad Kanimo

(Excerpt from the Homily of Most Rev. Romlo G. Valles, D.D., during the 42nd Parochial Fiesta of San Roque, Malabog, Davao City last August 16, 2026.)

Mga igsuon malipayong pista kanatong tanan! Viva! San Roque, Viva! Ang atong fiesta karon natunong sa Dominggo, ika-20 (baynte) nga Dominggo sa Church Year. Una akong sulayan pagpasabot kaninyo unsay kabililhon sa atong batasan kon naa kitay patron, kon mo simba kita sa Ginoo sama sa atong gibuhat karon, naka una kanato nga makaduol sa Ginoo, kaniadto wala na siya. Maningkamot ang tao pagduol sa Ginoo, mo halad sila, baka, karnero, kanding ug pobre ka alimukon mga ginagmayng halad. Apan kining mga halad bisan unsa ka espesyal walay mantsa, first born, apan bisan unsa kanindot sa ilang halad, mga produkto apan dili kini at par sa Ginoo, kulang pa.

Miabot ang panahon, gamay ni nga summary ha, ang Dios atong target siya mismo, atong adtuan, atong gi-ampuan, atong gisimba, para makamao ta, iyang anak gipadala nato, makabalo pod ta unsay style sa Dios, kay iyang anak nahimo mang tao sama nato. Unya gitun-an kita ni Jesus aron kita ma angayan mobalik duol sa Amahan, sa Dios. God, in Jesus showed us how to behave, in order to be worthy to come close to God. Hangtud, Oy! Siya mismo, ang iyang kaugalingon, maoy gihalad, siya ang gift! dili kanding, dili baka, dili karnero, siya mismo ang mihalad, mipakita siya nga akong gihigugma ang Dios, Dios ako! pariha kami, bugtong Anak ako! maoy gihalad sa krus. Now, in Jesus we have a perfect gift. Naa natay halad, dili nata mauwaw. Pero unsa may labot nato diha? Motuo ta niya, para makauban kita sa halad, gets ninyo? Busa kon mosimba ta, usa sa mga butang bantayan nato, mura bag naningkamot ta nga ma pariha ta sa gihalad. Ug buot ni Jesus nga mapariha pod tag porma niya.

Si San Roque, usa sa mga giila nato nga nahulma sama kang Jesus. Ang iyang style, ang iyang binuhatan, ang iyang holiness, ang iyang pagka santos nahisama siya kang Jesus. Busa, kon magmisa ta nga uban kang Jesus, uban sa atong patron, pagka nindot! In Jesus and in San Roque, makita nato ang diwa sa Kristohanong kinabuhi ug Kristohanong pagsimba. I think so far check na! Pero ang problema, unya kita, ahhmm! Ang kita nga nanimba run, ahhmm…ang logic, ang reasoning, mao ni, kon Viva San Roque! manimba ta, medyo ang sense, step one, ang sunod, nanimba ta kay pariha tang San Roque, kay uroy, mo ana si San Roque, nag unsa man ning tawhana diri? Moingon si Jesus nga, dagway ini ayy… wala man niy labot diri, so makabantay ta, pag misa makaduol na kita sa Ginoo, kay ang nanguna nato, mismo siya ang halad, the perfect sacrifice pleasing to God, makapahimuot, worthy, maka smile sa Ginoo kay mismo, ang mystery siya ang nag supply, mura bag, gusto ka makahalad? Maka gift sa birthday? Diay kwarta oh! Pagpalit didto, tudloan tika…mao nay nahitabo, gipadala niya iyang Anak para duna kitay ika halad niya. Akong balikon, si San Roque, nahisama kang Jesus mao nang angayan mag double, may mga pista, duna tay patron, example, inspiration kon sa cellphone pa, influencer sa kabalaan, ug sama sa akong giingon, kita unta pod.

Unta, ang Santos nga Misa sa pista makadasig kanato. Busa, karong adlawa mo sumpay ako, uban kang Fr. Mads ang panahon sa pista mao ang sa parokya, ang imong mga parish staff, parish team, PPC, mga GKK leaders, tanang nagalihok, murag maka ingon…ay salamat sa Dios! Adlaw kini nga moingon kita, Ginoo, bisan dili kaayo perfect, dili hingpit, ania among pagka hisama kanimo. Ginoo, ania among pagkasama kang San Roque, who has always giving, serving others, in fact San Roque slowly died, kay gikalimtan niya iyang kaugalingon alang sa uban. Akong balikon sa dakong kalipay, kada pista moingon kita, Ginoo og Sr. San Roque ania kami! Tibuok tuig sukad sa last fiesta, naningkamot nga makahalad kanimo.