Don’t Just Give Someone Fish, But Teach Him How To Fish

Dear Ate Emz,

I am single and in a relationship.

Kining akong partner wala na nagpadayon sa iyang pagtuon. Ang iyang rason kay dili na kuno kaya sa iyang pamilya. Lisud kini alang kanako nga masabtan, ilabi na nga ang edukasyon kanunay nga prayoridad sa akong kinabuhi. Ako usa ka academic achiever sukad sa kindergarten, ug ako hugot nga nagtuo sa kaimportante sa edukasyon.

Matud pa sa akong partner mangita na lang kuno siya ug trabaho apan akong gipanid-an wala man hinoon paningkamot sa pagpangita ug trabaho. Ako pa hinoon ang nagasuporta niya, nagtanyag sa pagtabang pinansyal pinaagi sa paghatag kanila og kwarta alang sa iyang mga panginahanglan. Nabalaka na hinoon ko kay basin ako pa ang hinungdan nga dili siya maningkamot kay lagi ako naga suporta kaniya.

Naglibog ko kung unsa ang buhaton sa maong sitwasyon. Naningkamot ko nga masabtan ang pinansyal nga kahimtang sa iyang pamilya. Gani ang iyang inahan usa ka OFW sa Hong Kong apan bisan pa man niana galisud pa daw kuno gihapon.

Sa akong panglantaw dunay duha ka rason, tapulan lang gyud magtuon o nagsalig kay dunay suportang pinansyal. Unsaon ko man pagpasabot kaniya nga importante ang edukasyon ug kinahanglan nga magkugi aron pag-abot sa saktong panahon dili kini kamahayan.

Salamat po,
Apple

* * * * * *

Dear Apple,

Una sa tanan, daygon ug pasalamatan ang atong Ginoo, gipanalanginan ka sa usa ka stable nga trabaho nga adunay income nga makasustento sa imong adlaw-adlaw nga panginahanglan.

Apan sa laing bahin, medyo subo ang kahimtang sa pagka karon nga ikaw ang nagsuporta sa imong Live-in-partner (LIP). Kung atong lantawon, ikaw ug ang imohang LIP murag magkalahi og prayoridad sa kinabuhi. Alang kanimo, nagtuo ka nga ang edukasyon maoy prayoridad sa imong kinabuhi. Hinuon, naa may rason ngano siya wala nakapadayon sa iyang pag-eskwela, tungod sa kalisud sa kahimtang sa ilang pamilya.

Tinuod ang imong pagkabalaka nga naay posibilidad nga magsalig na lang siya sa imoha tungod kay imo siyang ginasuportahan. Gani, sumala sa imong obserbasyon, bisan pa nagsulti siya nga mangita na lang siya og trabaho, apan sa pagkatinuod, imong napanid-an nga wala sab siya nangita! Mao kini usahay makasulti ka nga “the spirit is willing but the flesh is weak”. Murag hangtud lang sa sulti ug walay lihok aron ma-fulfill kung unsay ginaplano nga buhaton. In other words, dili magkatugma ang ginasulti ug ang ginabuhat.

Naay panultihon: “don’t just give someone fish, but teach him how to fish” aron makapadayon siya og sustain sa iyang kaugalingon. Yes, it’s true, naay tendency na dili na maningkamot ang imong LIP kay naa ka nga magtubag sa iyang panginahanglanon ug panginahanglanon sa iyang pamilya. Nagtuo sab ako nga murag husto sab ang imong obserbasyon nga murag TAPULAN ug kulang sa PAGKUGI, dili lang siguro sa pagpadayon sa iyang pagtuon apan sa iyang attitude towards life in general.

Sa ingon ani nga sitwasyon sa inyong pagpuyo, on your part, maglisod gyud ka kung ingon ani gihapon ug walay pag bag-o sa bahin sa imong LIP, nga ikaw lang gihapon ang nagpaningkamot alang sa inyong panginabuhi.

Change should come from within. Dinha gyud manukad kaniya ang desisyon sa paglihok, pagpaningkamot, pagkugi, etc. Lisod kaayo ang relasyon labi na kung magkaiba ang inyong mga prayoridad or values in life. Expect more conflicts and misunderstandings tungod kay magka iba ang inyong panglantaw sa kinabuhi, unless one gives up and willing to compromise his/her own values. Remember, your values are bases of your decisions… ang imong values mao ang mag define sa imong WAY OF LIFE. Mangutana ako…what keeps you staying in this situation? Unsa man ang inyong commonalities with your LIP?

Sa laing bahin, akong pahimangno kaninyo nga ang pag LIVE-IN dili acceptable ug sala kini sa mata sa Diyos. Now is the time for you to think things through. Sa Sakramento sa Kaminyoon, ang inyong pagpuyo naay blessing ug makabaton kamo ug mga gasa sa Ginoo taliwala dinha sa inyong relasyon ug sa inyong kinabuhi.

Pag-ampo ug pag discern pag-ayo sa inyong kahimtang karon. Unsa ang inyong kaugmaon kauban niya? Andam ka ba nga mag commit ug mopasalig nga higugmaon siya , for the rest of your life, for better or for worse, in sickness and in health, for richer or for poorer, till death do you part? How about him? Is he willing to do the same?

Sa kinabuhing minyo, you are willing to ACCEPT, the good, the bad, and the ugly in each other, and yet LOVE each other just the same, with God at the center of your journey thru life together.

Hoping and praying for your enlightenment, with the guidance of the Holy Spirit, may you arrive at the major decision in your life aligned with God’s will.

God bless you more.
Ate Emz