Grow where you are planted

Dear Ate Emz,

Usa ako ka musikero. Mao kini akong panginabuhian kaniadto pa. Tungod sa kawad-on high school ra kutob ang akong naabot. Simple lang ang akong kagikan. Akong mga ginikanan mga simpleng mag-uuma. Tinood dunay kwarta sa umahan apan igo ra sab nga maka ganansya kay tua itapal sa gi uslan aron dunay itanum. Usahay pildi pa gayud basta dili maayo ang panahon mga daut ang pananom gamay ra ang mahimong anihon.

Taliwala sa mga kalisud makabawi ra man pud gihapon kalooy sa Diyos.

Para maka tabang sa mga panginahanglanon akong napamalandungan nga mu abroad na lang puhunan ang akong natun-an sa pag tug-tug ug instrumento. Kapuy, sakripisyo, singot buhos tanan aron lang makab-ot ang tinguha. Nakaloy-an sa Ginoo ug naka ipon gamay pang negosyo. Sa napulo nako ka tuig pagpanarbaho isip musikero wala akoy laing hunahuna ug pangandoy kundili makatabang sa akong mga ginikanan. Samtang anaa pa sila niining kalibutana akoa silang matagaan ug gamayng kaharuhay.

Sa pagka karon aduna na kami gamayng luna nga maingon namo ug amoa gyud nga pwedeng tamnan ug humay ug lain pang mga pwedeng pagkakitaan.

Kabalo gayud ang Ginoo mutan-aw ug kahimtang sa tawo basta maayo lang gyud ang tumong ug plano alang sa ikalambo labaw na sa atong mga minahal sa kinabuhi, ang atong Pamilya.

Dili lang gayud kita mawad-an ug paglaum kay samtang buhi dunay pag-asa. I-ampo lang ug dili kalimtan ang Ginoo nga naga lihok sa atong kinabuhi.

Danny

* * * * * *

Dear Danny,

I once heard somebody said that music is the language of the soul. It soothes and penetrates your spirit, and many times leads you to touch your true self, to touch God or be touched by Him. Whatever the heart fails to verbalize, music conveys them more effectively. Indeed, you have every reason to praise and thank God for He has blessed you with this gift. And this has been your passport to venture in a foreign country just to help your family left behind.

Makadaghan na ta makadungog sa atoang mga kababayan nga nagbiya sa pamilya aron manarbaho sa gawas sa nasud nga ang kinabuhi dili usa ka “bed of roses” alang kanila. Sama sa imong nasinati, sakripisyo, kakapuy, singot, apil na luha ug kamingaw ang giantos aron lang makatabang sa mga nahibilin, nga unta mahimong molambo ang kalidad sa kinabuhi. Niining lisod nga kahimtang, wala kay laing dangpanan gawas sa atong Ginoo nga anaa ug kanunayng mag-uban kanimo, tungod kay dili gyud Siya nagatulog. Gipanalipdan ka Niya dinha sa langyaw nga nasud nga adunay lain-laing cultural practices ug lifestyles, ug Iya kang giamuna aron mapadayon ang imong katuyoan.

Ang tanan grasya sa Ginoo, apil na ang mga pakigbisog ug mga hagit nga imong naagian. Sa napulo ka tuig nga panarbaho dinha sa laing nasud, nagbunga ang imong mga sakripisyo samtang ang imong pamilya nga gibiyaan nagpadayon sa pagtagamtam sa pipila ka mga kaharuhay sa kinabuhi, labi na ang imong mga ginikanan nga tingali naa na sa ilang mga edad sama sa pagsalop sa adlaw.

Mapa “sana all” na lang ang ubang pamilya, nga unta naa sab silay mga anak nga sama nimo nga mahinumdon ug molingi sa ilang mga ginikanan samtang wala pa silay kaugalingong pamilya. Sumala sa pulong sa Bibliya, “mga anak, tumana ninyo ang inyong mga ginikanan (diha sa Ginoo)…..tahuron ninyo sila aron maayo ang inyong kahimtang ug matagamtaman ninyo ang taas nga kinabuhi dinhi sa yuta”. (Eph. 6:1-3) Salamat, Danny, sa imong pagkalinga sa imong pamilya labi na sa imong mga ginikanan. You will be more blessed.

Sa laing bahin, karon nga nakab-ot na nimo ang imong tumong sa pagtrabaho sa gawas sa nasud, (nahiluna naman siguro ang imong pamilya), wala ka ba maghunahuna nga panahon na nga mouli aron makauban na nimo sila labi na ang imong mga ginikanan? O di kaha magpadayon ka sa imong pag-eskwela aron mahuman na nimo ang degree nga imong gipadaplin kaniadto, o pagkat-on og bag-ong mga kahanas? Naa koy kaila, 21 years old na siya nahuman sa High School, 27 years old nahuman sa college, ug samtang nagtrabaho na, nag eskwela na pud og laing kurso ug nahuman siya niini sa edad nga 36 years old! Nahimo siyang malampuson sa iyang ikaduhang kurso ug daghan siyang natabangan tungod niini. Naminyo ra siya sa edad nga 37 anyos.

Tinuod, sumala sa imong gipadayag, dili lang gyud kita mawad-an ug paglaum kay samtang buhi dunay pag-asa. I-ampo lang ug dili kalimtan ang Ginoo nga naga lihok sa atong kinabuhi. Sa imong pagbalik-lantaw, maka amgo ka nga ang kakugihan, paglahutay ug pagsalig Kaniya maoy mahimong sekreto sa kalampusan.

Ampingi imong pamilya, ipasigarbo ang imong gigikanan (probinsiyano)…ang imong ginikanan isip mag-uuma. Ang mga tawo sa siyudad dili mabuhi kon wala ang mga mag-uuma nga mag suplay og pagkaon alang kanila. Ingon ani ka mahinungdanon ang imong gigikanan (roots).

Dugang pa niini, hinumdumi …in life there is always room to bloom and grow where you are planted. Continue to touch lives, making others happy, uplifting their spirits with your music. Unsa kaha kung moapil ka sa music ministry sa inyong Parokya? Usa kini ka hagit alang kanimo nga makapaambit ka sa imong giftedness sa pagserbisyo dinha sa inyong katilingban. Remember you are gifted to give.

Let your life be a beautiful melody of love, all for the praise and glory of the Lord! May your tribe increase.

God bless you more.
Ate Emz