Kalipay nga bunga sa Fiesta nga nakasentro kang Kristo

(Excerpt from the Homily of Most Rev. Romulo G. Valles, D.D., Archbishop of Davao during the 64th Parochial Fiesta of St. James the Apostle Parish Bunawan last July 25, 2026.)

Ania uban kanato ang mga nagkadaiyang grupo: ang mga madre, mga GKK leaders, mandated organizations, mga lay leaders, mga pari uban sa atong kura paroko nga si Father Edsel, happy fiesta kanatong tanan. Now, isip inyong Obispo, ako’y manguna sa pagpamalandong sa atong ebanghelyo karon. Ang santos nga misa mao gayod ang pinaka-importante nga meaning sa pagsaulog sa fiesta, ug sa binugoy nga pagkasulti, ‘bahala’g walay kaon, bahala’g walay bandaritas, bahala’g walay basketball, bahala’g walay kalingawan, basta naay misa, kanindot sa fiesta!’ Pero tungod kay ang fiesta, ang iyang spiritu, ang diwa niini malipayon man. So ang kalipay sa pagtuo nato mobuhagay, ug maoy hinungdan nga naay nindot nga salo-salo, dunay basketball ug dunay programs, maayo kana.

Pero sama sa akong giingon, ang Eukaristiya gayod, the worship mao ang pinaka-importante ug ania kita niana karon diri sa santos nga misa. Busa sa akong poder, ang hagit nako kaninyo mao ang pagpamalandong, mura ko’g ginikanan nga maghimay-himay sa sud-an para sa mga anak aron maayo natong pagka-kaon, sama sa atong pagsaulog karon. Una atong balikon gayod ang importante nga diwa nga kung manimba kita sa fiesta, ang Ginoo gayod ang centro nga atong gi-fiestahan, sama sa Christ the King o Holy Trinity, Holy Cross o Divine Mercy. Pero kasagaran sa fiesta ang gipaklaro mao nga aduna’y patron nga tao, santos, nga ato gayod gipasidunggan. Sama karon ang atong inspirer, influencer si St. James, siya atong inspirasyon. Sa ato pa, ang una gayod nga kung manimba kita sa Parokya ang atong gilantaw si senyor Santiago, ug dapat mutakod g’yod ang iyang mga maayong buhat sa atong kinabuhi. Matakdan ta: ma-inspire ta.

Busa kung manimba kita, naa kita’y iampo, senior Santiago tabangi ako nga mahisama kanimo. Senior Santiago ania ako tungod kay nadasig ako kanimo. Mao nga kada fiesta ania kita ingon nga pagpasalamat sa atong pagtuo. Pagtuo nga gitranslate ngadto sa buhat, ngadto sa pagpangalagad sa parokya, uban sa inyong kura paroko nga si Fr. Edsel. Atong ihalad karon ang atong pagpangalagad isip mga extraordinary ministers sa communion, mga GKK leaders, mga catechists, naa sa FLA, mga madre, mga teachers, mga youth leaders, mga naa sa soccom, naa sa social action. Kining tanan kung atong sumadahon, lihok sa pagtuo nga inspired by St. James. Busa pag fiesta, dili lang ta muingon, ‘managkot ko kay milagroso ra ba na si St. James.’ Tagaan unta ako’g maayong panglawas apan kusog kaayo ta muinom og Tanduay, wala gihapo’y kapuslanan ang tanan. Muingon si St. James nga unsaon man tika pagtabang kung dili ka andam mutabang sa imong kaugalingon. Andam si Santiago mutabang kanato kung bukas kita nga ma-inspire sa iyang kinabuhi. Sa ato pa, kada fiesta mas mulambo unta kita sa pagtuo sama kang St. James.

Now, pipila ka punto isip pabaon, una: giawhag kita nga sama kang St. James ang atong target unta mao ang magmadaugon kita sa pagtuo kang Kristo. Ikaduha, pinadala, dili unta kita maghulat kon dili kita mismo ang mangunay sa pagsangyaw kang Kristo. So andam ba kita mosunod nga bisan usahay makaingon kita nga murag wala kita’y maayong padulngan. Apan sa katapusan mag-ani kita nga puno sa kalipay. Ikatulo, nagtinguha ba kita nga si asawa, si bana, si anak, ug mga silingan mahilangit, apil ba na sa imong ambisyon? Mang hinaot kita nga ang diwa ni St. James mopuyo dinhi kanato ug sa atong kasing-kasing. Kaninyong tanan, happy fiesta! Viva senior Santiago! Viva!