Nagkahiusang Panaw sa mga Malaumon Uban sa Pangama ni San Roque

Malipayong gisaulog sa GKK Servant Leaders (GSLs) ug myembro sa Gagmay nga Kristohanong Katilingban (GKK) Sr. San Roque sa Emilia Homes Subdivision, Cabantian, Davao City, diin nahisakop kini sa Parokya sa St. Mary of the Perpetual Rosary Parish, ang ika-beinte kuatro ka tuig nga kapistahan sa Mahal nga Patron nga adunay tema nga nagkanayon: Sr. San Roque, giya ngadto sa mapadayunong pagpanaw nga puno sa paglaum ug kadasig alang sa kahiusahan sa tanan.

Nagsugod ang Novena/Kasaulogan sa Pulong sa Agosto 6 hangtod Agosto 14, 2026 sa alas siete (7:00p.m.) ang takna sa gabii. Ang santos nga misa gisaulog Agosto 15, 2026 Sabado sa alas nuwebe sa buntag nga gipangulohan ni Reberendo Padre Orlando Angelia, Kura Paroko sa St. Mary of the Perpetual Rosary Parish, Cabantian Davao City. Mainiton ug malipayong gidawat sa katawhan sa San Roque Emilia Homes nga magpadayon sa pagatiman sa simbahan sa Dios. Usa sa mga nakigduyog sa okasyon mao si Bro Francis Valde, Pastoral Office In-charge.

Sa iyang homiliya, gipasabot ni. Fr. Angelia nga karon adlawa ang Virgin Mary Assumption ug San Roque atong Patron gisaulog ang Kapistahan. Kinabuhi ni San Roque, Usa ka layko nga mitabang ug mi- alagad sa mga masakiton, iyang gipahinumdoman ang mga sakop sa GKK Sa duha ka hinungdan nganong adunay patron nga ginasaligan ang matag kapilya. Mapadayunong pagpanao aron mahimong model sa kinabuhi nga inspirasyon nga pwede gihapon ta nga mahimong santos. Tungod kay gituohan nato nga sila maayo nga intercessors ug tigpaabot sa atong mga pag-ampo ngadto sa Dios. Gipahayag usab ang mahitungod sa Assumption of our Lady nga maoy unang bunga sa kaluwasan sa Dios. Si Maria walay buling sa sala ug gipasaka ngadto sa langit ang iyang lawas ug kalag. Naghatag ug inspirasyon sa kalisod sa kinabuhi.

Sa bahin sa pasalamat, gipahayag ni Normita Escoreal nga Pangulo sa Katilingban ang iyang kalipay ug pagpasalamat sa Dios ug sa Espiritu Santo nga padayon nga naga hatag inspirasyon sa komunidad, ilabi na nga nakaabot na sa 24 ka tuig sukad sa 2002 nga katukuran sa GKK. Usa sa mga programa mao ang larong pinoy traditional Filipino games Laro ng Lahiang nagpahinumdom sa mga karaan nga dula. sa mga kabatan unan. Human sa misa, adunay libre nga pagkaon.

Ang 24th Patronal Fiesta sa GKK Sr. San Roque nagpakita dili lamang sa pagpasidungog sa patron., kon dili usab sa buhi nga pamatuod sa pagtuo, pagpakig-ambit ug paghiusa nga magpadayon. Viva Sr. San Roque! (Aurelia A. Ayco, GKK SoCCom)