Adoracion Nocturna Filipina: 106 Ka Tuig Nga Matinud-anong Pagsimba

Gisaulog sa Adoracion Nocturna Filipina (ANF) Arkidyosis sa Dabaw ang 106th Anniversary sa matinud-anong pagsimba uban sa Installation of Aspirants niadtong Oktubre 10, 2026, Sabado sa Ascension of the Lord Parish, GSIS, Matina nga gipangulohan ni Reb. Padre Leonie H. España, ug gisundan sa selebrasyon sa annibersaryo sa GSIS Gym.

Usa ka makasaysayanong adlaw alang sa mga Adorador. Sa sulod sa 106 ka tuig, nagpabiling buhi ang panawagan sa ANF nga mao ang pagbantay ug pagsimba kang Kristo sa Santisimo Sakramento sa kahilom sa kagabhion. Sa kasaysayan sa Pagtuo, Ang ANF natukod niadtong Oktubre 10, 1920 sa Simbahan sa St. Ignatius sa Intramuros, Manila, pinaagi nila Rev. Fr. Victoriano Pascual, SJ ug Don Emilio Ma. Moreta. Gihulma kini subay sa “Adoracion Nocturna Española” sa Espanya ug opisyal nga giila ug gi-affiliate sa Archconfraternity of Night Adoration sa Roma niadtong Marso 2, 1925.

Ang unang turno sa tibuok nasud mao ang Turno No. 1, ug ang unang turno sa Davao natukod niadtong Agosto 18, 1956 sa San Pedro Cathedral Parish. Karon, ang ANF sa tibuok Pilipinas adunay kapin 154 ka Sections ug 1,622 ka turnos, diin 3 ka Sections ug 21 ka turnos niini nahimutang sa Arkidayosis sa Davao.

Dili lang kini anibersaryo, kini usab pagsugod sa bag-ong misyon. Sa maong selebrasyon, pormal nga gi-install ang mga Aspirants nga mga kalalakihan ug kababayen-an nga mitubag sa tawag nga adorador, ang mas matinud-anong Kristiyano pinaagi sa pag-alagad sa Diyos ug sa isig-katawo.

Ang tema karong tuiga, “United in Prayer, Serving with Love,” nagpahinumdom kanato nga ang pag-ampo dili lang para sa kaugalingon. Ang tinuod nga adorer, nag-ampo ug nag-alagad. Usa kini ka Pagdapit diin sulod sa 106 ka tuig, daghang unos ang nilabay sama sa gubat, pandemya, ug mga hagit sa modernong panahon. Apan nagpabilin ang ANF nga lig-on tungod kay ang sentro niini mao si Kristo sa Eukaristiya.

Congratulations sa Adoracion Nocturna Filipina sa ika-106 ka tuig! Ug welcome sa mga bag-ong Aspirants!The Lord be Adored Forever! (Mary Grace Gonzales)