Paminaw: Catechists and Evangelizers Conference on New Evangelization 2026 Malampusong Gipahigayon

Septembre 26, 2026 | Malampusong gipahigayon ang Catechists and Evangelizers Conference of New Evangelization sa Holy Cross of Davao College Gymnasium, nga nagtigom sa mga katekista ug evangelizers sa tibuok Archdiocese of Davao alang sa usa ka panaw sa pagpaminaw, pagpaambit, ug pag-alagad sa usa ka misyon. Ang maong panagtigom gitambungan ug kapin 3,000 ka mga katekista ug evangelizers sa tibuok Archdiocese of Davao.

Lakip niini ang 80 ka mga partisipante gikan sa St. John Paul II Parish, Los Amigos uban sa pagdumala ni Mrs. Marichu Bibat, ang Pangulo sa Panudlo Coordinator sa Parokya. Ang maong panagtapok giubanan sa tema nga: “Paminaw: Synodal Journey for One Mission. To Be With Him… Mk 3:14.”

Gisugdan ang programa pinaagi sa enthronement sa imahe sa Our Lady of Evangelization, nga nagsimbolo sa pag-ampo ug paggiya ni Maria alang sa mga mag-aalagad sa misyon sa Ebanghelisasyon. Misunod ang opening program diin mipahayag og welcome message si Rev. Fr. Roy Mejias, ACEC/JCC Director. Sa iyang mensahe, iyang gisulti nga ang maong kalihokan dili lamang usa ka panagtigom, kundili usa usab ka pagpuyo sa synodality, diin ang matag usa gitawag sa pagpaminaw, paglakaw uban sa uban, ug pagtinabangay alang sa usa ka misyon.

Gipadayon ang panagtapok pinaagi sa Santos nga Misa nga gipangulohan ni Most Rev. Romulo G. Valles, D.D., Arsobispo sa Davao. Human sa Santos nga Misa, gipresentar ni Rev. Msgr. Edilberto Mahinay gikan sa Diocese of Mati ang keynote presentation nga “Forming Missionary Disciples in the Synodal Church.” Gipunting niini ang kamahinungdanon sa pagporma sa mga katekista ug evangelizers nga andam nga mosunod kang Kristo ug mahimong mga misyonaryong magdala sa Maayong Balita ngadto sa uban.

Gisundan kini sa testimony sa Cabahug Family din nagpaambit ang amahan nga PSL si Mr. Rodil Cabahug, inahan nga katekista nga si Mrs. Ana Salome Cabahug, ang ilang anak nga babaye nga si Ms. Aimee Reville nga nagsugod isip usa ka salmista ug kasamtangang katekista, ang ilang apo nga si Justine Jay Reville nga usa ka altar server. Mipaambit usab sa iyang kasinatian ang anak ni Mr. Rodil ug Mrs. Ana nga si Rev. Fr. Resty Joy Cabahug, ang usa sa mga bag-ong naordinahan nga pari sa Archdiocese of Davao. Sa ilang nagkadaiyang testimonya, ilang gipaambit ang ilang kasinatian ug pagpamatuod sa pagkinabuhi sa pagtuo isip usa ka pamilya.

Usa sa importanteng bahin sa programa mao ang “Conversation with the Spirit,” diin ang mga partisipante gibahin ngadto sa tulo ka grupo. Matag grupo gihatagan og unom ka pangutana nga ilang gipamalandongan ug gihisgutan, nga nagtugot kanila sa pagpaminaw sa usag usa ug pag-ila sa mga paagi diin ang Espiritu Santo naggiya sa ilang misyon. Human niini, gipahigayon ang ‘Sharing of the Fruits of the Conversation’, diin ang matag grupo mipakigbahin ug mipa-ambit sa ilang mga nakat-unan ug mga bunga sa panaghisgot. Ang mga nahisgutan gilauman nga ilang madala ngadto sa ilang tagsa-tagsa ka parokya ug GKK isip kabahin sa padayon nga pagpalalom sa misyon ug synodal nga pagpanaw. Gitapos ang maong kalihokan pinaagi sa closing prayer nga gipangulohan sa Music Ministry, gisundan sa Final Blessing nga gihatag ni Rev. Fr. Roy Mejias.

Pinaagi sa maong panagtigom, ang mga katekista ug evangelizers napahinumdoman sa ilang hiniusang tawag isip mga piniyalan nga mao ang: pagpaminaw, paglakaw nga magkahiusa, pagpuyo uban kang Kristo, ug pagdala sa Iyang Maayong Balita ngadto sa matag parokya ug Gagmayng Kristohanong Katilingban kon GKKs. (Jonathan Paeldilan | SJPII SoCCom)