Billings Ovulation Method Training/Workshop gipahigayon sa Archdiocesan level

Billings Ovulation Method Training at San Pablo ParishAng Family and Life Apostolate nagpahigayon og Billings Ovulation Method Training/Workshop sa Archdiocesan level niadtong April 23, 2017 sa San Pablo Parish, Juna Subdivision, Matina.

Kini ang unang lakang aron mapahigayon sa matag ikatulo nga Sabado sa bulan ang Training/Workshop alang sa natural nga pamaagi sa pagplano sa pamilya. Magsugod ang kalihukan sa alas otso sa buntag hangtud sa alas tres y medya sa hapon. Abli kini sa tanang magtiayon nga buot motuon sa Diosnong Pammagi. Ngadto usab sa mga FLA Core Group sa Parokya ug mga Pangulo sa Kristohanong Banay (PSKB) aron magampanan nila ang ilang responsibilidad sa pag-awhag sa mga magtiayon sa pagpanganak nga giplano ug tinuyo o kaha sa paglat-ang-lat-ang sa mga tuig aron maatiman pag-ayo ang gamay nga bata.

Ang mga partisipante gikan sa mga sumusunod: sila ni Rolando/Leasa May Oloy sa San Francisco Tagakpan, sila ni Ireneo/Cecil Anonas sa John Paul Parish, sila ni Jimbeth/Nena Anonas sa San Miguel Parish, sila ni Crisanto Jr./Reizn Lano sa ICP, Peñapalta, Lerio Juan/Jocelyn Parami sa St. John, Lasang, ug sila ni Candido/Norma Balon sa San Antonio, Agdao.

Matud pa nila ni Ireneo ug Cecil ang maong pagtulun-an nadungod panahon sa PSKB Orientation apan dali kaayo klaro ang pagpasabot ug nagpasalamat kaayo sila kini na ang tubag sa ilang mga pag-ampo, gusto nila mosunod sa plano sa Ginoo alang sa ilang pamilya.

Mapasalamaton ang Diocesan FLA Director, Fr. Orly Angelia nga mitubag sila sa panawagan aron mapalawom og kongkreto ang ilang pagpangalayan. (Amie Desquitado, SJWP-SoCCom)

Post Your Thoughts