Botika ng Bayan

Pormal na nga gi-ablihan niadtong adlawng Martes Hulyo 17, 2018 ang Botika ng Bayan nga nahimutang atbang mismo sa pasilidad sa Southern Philippines Medical Center kon SPMC ingon man tapad mismo sa buhatan sa Lingap para sa mahirap One Stop Shop sa Bajada ning syudad sa Davao.

Mismong si Rev. Fr. Bong Gonzaga, Parish Priest sa Sacred heart of Jesus Parish Bo. Obrero ang mibendisyon sa maong pasilidad, nga gitambungan ni Dr. Abdullah Dumama, Jr., Assitant Secretary of Health for Visayas and Mindanao Department of Health, Davao City Mayor Inday Sara Duterte Carpio, City Administrator Atty. Zuleika Lopez ug uban pang opisyal sa local nga panggambahan.

Sumala ni Dr. Dumama nga mao kini ang programa nga gihatagan ug katumanan pinaagi na sab sa una nang pamahayag ni Presidente Rodrigo Duterte nga walay mo uli nga mga pasyente nga luhaan. Ilabi na nga libre sila nga makakuha ug mga tambal alang sa Diarrhea, Skin Disease, Diabetes, Hypertension, tanang klase sa mga essential medicine for Common Disease.

Ilabi na nga aduna nay tambal nga magamit ang mga pasyente alang sa ilang balatian sa ilang paggawas sa balaytambalanan.

Wala una gikabutyag sa opisyal kung pila ang budget nga gibubo sa ilang buhatan alang sa maong programa tungod sumala pa ang ilang una nga gisiguro kung unsa ang mga gikinahanglang tambal sa mga pasyente, sumala pa nga aduna kini sakto nga supply sa tambal gikan kanila. Samtang giklaro sa opisyal nga bisan dili residente sa syudad sa Davao basta adunay reseta nga mapakita, maka dawat gihapon sa libreng medisina.

Samtang si Mayor Sara Duterte dakong pasalamat sa Department of Health ug sa Office of The President alang sa maong programa, dugang sa Mayor nga walay dakong pundo nga gitanyag ang Local nga panggamhanan sa maong proyekto, gawas lamang sa pasilidad nga gigamit ug ang mga Pharmacist alang sa maong programa.

Gikalipay sab sa mayor nga dili lang usa ka Botika ng Bayan ang paga ablihan sa DOH sa syudad tungod giplanohan na sab nga adunay susamang proyekto matag distrito sa Dakbayan.