Ang kamatayon mahimong maghatag usa ka gasa sa kinabuhi sa uban

Gipahigayon ang panagtigum sa mga Medical Practitioners dinhi sa Davao niadtong Oktubre 09, 2019 diha sa Waterfront Insular Hotel, Lanang, Davao City. Nianang buntag gipasabot nga gihimo kini aron mabag-o ang mga panghunahuna sa mga tawo, ilabina diha sa atong mga medical practitioners, sa mga tawo nga mitabang kanila ug labaw sa tanan ang pagpangitag pamaagi unsaon pagpasabot ngadto sa mga potential organ donors ug sa iyang pamilya aron dili sila mahadlok nga modonar sa organo.

Kini luyo sa pagpaningkamot sa nangulo sa Southern Philippines Medical Center-Human Advocate and Retrieval Effort (SPMC-SHARE) ug sa DOH Region 11. Matod pa ni Dr. Ma. Theresa Bad-ang, nephrologist, ang nangulo sa SHARE, ang giingon nga donasyon sa organ usa ka operasyon sa pagpaayo sa usa ka organ o tisyo gikan sa usa ka tawo nga “brain dead” ug gibutang kini sa laing tawo. Ang us aka tawo nga gideklarar nga brain dead legal nga patay na ug usa ka takus nga mag-donar.

Si Dr. Bad-ang nagkanayon, nga kami sa SHARE gusto nga ipasiugda ang usa ka kultura sa donasyon taliwala sa mga Dabawenyos nga adunay kinabuhi gihapon pagkahuman sa kamatayon. Ang kidney disease mao ang ika-upat nga nanguna sa hinungdan sa kamatayon dinhi sa atong nasud. Adunay unom lamang ang nagdonar sa miaging tuig diin adunay mga 280 nga mga pasyente nga kwalipikado nga mga donors nga nagdumili sa paghatag. Ug kadaghanan nga mga kaso nga hinungdan sa kidney failure nahilambigit sa diabetes ug hypertension. Matod ni Dr. Bad-ang nangayo sila og tabang sa atong gobyerno sa lungsod aron maiproklamar ang usa ka ordinansa sa pagpa-uswag sa “brain dead” organ donation ug magahinan kini og pondo aron mapalambo ang pagpahibalo sa publiko kalabot sa organ donation ug aron usab mapasidunggan ang namatay nga donor. Uban sa mitambong si Councilor Pilar Braga kini maoy nangusog ngadto sa konseho.

Nagahatag usab kadasig si Marian Wright Edelman, taga Spain usa sa mga speakers, “transplantation is a successful therapy in end stage organ failure, improving survival rates and quality of life.” Death is negative but we can become something positive to save another life.

Mipaambit usab si Pyrrhus Kim Paqueen diin kapin na sa duha ka tuig nga nagpaabot nga adunay modonate kaniya og kidney, karon anaa siya sa SPMC waiting list.

Nanghinaut usab si Dr. Francisco Sarmiento, National Program Director of the DOH Philippines Network for Organ, nga mapakusgan ang kampanya sa adbokasiya aron ma-edukar ang publiko kalabot sa organ donation ug mapahunong ang pagbaligya sa mga organs.

Mga kapin sa 40 ka mga Medical Practitioners ang nagpadayon sa pagkahapon alang sa Training mahitungod sa “The Great Paradigm Shift on Organ Donation: Strengthening Advocacy and Changing Mind thru Multimedia Platforms” nga ipahigayon pinaagi sa pagpaambit sa mga European experts sa Organ donation (ODISSeA). (Amie Desquitado)